A enerxía entra en clase como nunca antes viras
Da man de dous adolescentes, Álex e María, que viven a súa propia historia de amor, como a de miles de mozos e mozas que estudan nas nosas aulas, preséntanse os conceptos e aspectos máis importantes relativos á enerxía, as vías para xerala e as formas de consumila.
Os combustibles fósiles, a enerxía hidráulica, a solar, a eólica, a nuclear, as pilas de combustible ou o efecto invernadoiro, aparecen ante os ollos do alumnado dun xeito ameno e divulgativo e con toda a potencia do cine 3D.
Energía 3D é parte dun proxecto global que pretende facilitar, coas tecnoloxías máis avanzadas, o traballo do persoal docente e do alumnado.
Un estudo recente demostra que a visión en 3D e en alta definición xera un 12% máis de atención que as imaxes en dúas dimensións ou na resolución habitual. A forza de inmersión das imaxes tridimensionais provoca unha maior implicación por parte dos espectadores que lles leva a poñer atención incluso nas imaxes periféricas. Enerxía 3D pon estes recursos ao servizo da educación.
Coa reserva da actividade facilitarémosvos un dossier pedagóxico para poder traballar na aula.
Os grupos escolares terán prezos especiais. Tanto a película como os dossiers pedagóxicos están dispoñibles en castellano, català, euskara e galego.
Agora podedes reservar a vostra sesión para este curso.
Unha coprodución de Antàrtida e o IDAE, ente público do Ministerio para a Transición Ecolóxica
